======================
By : Tamong jambat
Tutor hamu pak lunik..
Nyak sangun anak ngura..
Mesakik kanjak lunik..
Tirasa tugok metuha..
Rejeki ralang redik..
Lain mak haga usaha..
Wat mansa pucacutik..
Kik tihitung mak sepira..
Mirak hurek mebangik..
Angangon dipengrasa..
Pepatek angkah wek itik..
Kelabai ruwa, anak lima..
Hurek sangun mesakik..
Kung juga wat semaya..
Utok radu kubalik-balik.
Jawoh kik nungga kaya..
Tinggal di lamban lunik..
Barong jama anak siwa..
Pedom barong sehahelik..
Wek kajong ampai lima..
Pedom dibilik rupik..
Piyu risok segaga..
Segaga dipenganik..
Risokni mak mansa..
Kisah kutilis betik..
Kiasan dilom cerita..
Badan kedol dilalik..
Mandi pakai gagik kelapa..
Mirak haga hurek bangik..
Angangon cinta kehaga..
Ngayung nyak risok mekik..
Nyak haga begaga di sapa..
Sembahyang mawek tepik..
Seno perintahni agama..
Ngebiti badan sakik..
Sabar mak putus du'a..
Wayak kutulis pucacutik..
Semapu ditengrasa..
Maaf nyak nabik-tabik..
Kisah sinji antak ija..
Timbal jak ma2k Ci' Fari Fanel
BalasHapusgering nyak kik wayak injuk reji,, wkkkkwkkkkkk.....
Pengatu nawok cutik,,,
kalau mak salah cawa,,,
Ngebalos wayakni pelunik,,,
Si radu jak kubaca,,,
Kipak hurik mesakik,,,
Bangik makkung tirasa,,,
Usaha dang hak tipik,,
Budu'a laju juga,,,
Kipak angkah wat itik,,,
Senodo bakni kita,,
Ti andanko babetik,,
Kalau nganakko angsa,,,
Kipak kubu ram lunik,,,
mak gegoh njuk istana,,,,,,
mak cigani sehahelik,,,
Tantu handop tirasa,,,
Ganta mak nungga bangik,,
Sawai pasti tirasa,,,
Na reno dia pelunik,,
penagu ku jak ija,,,
Ahahaaaaa....
3 November 2011 pukul 2:48
Sinji timbalni jak Minan Firda Irawan
BalasHapusKik hamu pak Lunik
Tutor sekam sai wat dija
Kik sekam ina lunik
Mani sekam bebai ngura
Rejeki lain ralang redik
Kintu mak gumah mansa
Payu tisyukor e, ki pak cutik
Kakalau ya nambah juga
Dang nuntong hurek bangik
Bangik sakik akah pengrasa
Kakalau dunia mak mapelik
Kik neram selau nerima juga
Dang gayah dilamban lunik
Asal dapok bindom jejama
Sebagi kanik-an cutik
Kalau wat berkah jak sai kuasa
Dang tipubiti hurik sakik
Seno bagian hurik didunia
Kkalau kuburan mak mapelik
Kik neram besyukor jama –Ya
Kik slalu nyandang sakik
Ajo lamon mu puari dija
Kakalau dapok bekurang cutik
Kik ram dapok lalang waya
Terok nihan nyak medik
Nimbal unyini wayak dija
Ajo sinji timbalku cutik
Kakalau nihan beguna
( ana gila Nyak nginjam ilmu ni motivator cutik… ani “ dang nihan ngeluh hurik sakik, selalu optimis jemoh aga berubah…hehehe, salam luarrr biasa, semangat pagi…. )
4 November 2011 pukul 2:29
Sinji timbalni jak Ma2k Ramdho Icoen Krui
BalasHapusdi tanya ko pengtuha
mak nyumbang nanjak dija
jeno nyak lagi usaha
ngudok ko setali rua
di tutor tian nyak cik
mani no telu bakas
mansa nyak jeno cutik
cukup pakai ngabeli bias
rani panas kepanasan
kik terai keteraian
adu tuah ni badan
skenario anjak tuhan
mi handak mandok sua
bebuk wai timput ngura
timbal ku antak ija
jejama ram sambung du'a..
puhelau helau si di tanjak ko mamak/minan di atas ji..mios hati uleh ni..
4 November 2011 pukul 2:31
Mantaf Temon Ajo bang IF,,,
BalasHapusLanjutkan,Moga Sukses Selalu,,,
Amin,,,
Yu mamak Bogher, ajo sangon lagi ampai aga mepukko penyemaian....
BalasHapusKalau wat ngakit uleh kak dinana....