Wayak. 6

“M A L A S”

Wayak; Tamong Jambat

Seno guna ni bias..
Jinjongan dibi pagi..
Repa pik guwai malas..
Pak ngena risok duri..

Kemarau rani panas..
Bindom dibah batang punti..
Pepos muneh kuk hengas..
Kik makdok penganikan lagi..

Radu titanom lawas..
Peranti baburani gulai..
Dang ngandan hurek malas..
Nungah badan mererai..

Api lagi si haga tibahas,,
Nayah lamon wat buktini,,
Kik mak ratong jak niat ikhlas..
Lebon rawan jawoh jak rejeki..

Kik ngaku ragah bakas..
Lom keluarga ia imamni..
Bedu'a tulus rek ikhlas..
Lapah besepok seno usahani..

Jawoh jak minuman keras..
Dang tiguwaiko main judi..
Pak lamon harta risok ladas..
Mak uleh kintu nyiksa diri..

Dang tisirang minjak mawas..
Sepok rejeki mulai jak pagi..
Reno wayak adu kubahas..
Mak mahelok dang kuruk di hati

14.03.12