Dang diucak ko sinji wayak...!
By : Tamong
JambatTabuh gendang haga nyak nari,.
Assalam mu'alaikum pembukak cawa,.
Salam ku jama sunyini puari,.
Mamak minan sai wat kumpul dija,.
Lain nyak aga nawit keti,.
Dang muneh kik nyak dihanja,.
Cawa ku kintu mak bureti,.
Kilu maaf lain kik nyak sanghaja,.
Ngegutan siwok handak,.
Sejeru sangon pari,.
Hatiku rasa mahanjak,.
Butungga jama minak muari,.
Udi lamban kuta beton,.
Way ngison pekon jambat,.
Kik keti tiram di pekon,.
Forum sinji kalau jadi ubat,.
Kik niku haga belanja,.
Dang lupa pasar pagi,.
Payu ram kumpul dija,.
Mak neram sapa lagi,.
Budarak di way lunik,.
Ngunduh serkaya mesak,.
Pak mangi rasa ni ramik,.
Anggokni ram mak puliak,.
Dang singkuh niku kunyang,.
Uleh mak makai kamija,.
Kik tiram dang niku miwang,.
Minak muari mu lamon dija,.
Kutanom do kanjak biji,.
Tumang wek dilom mangga,.
Ramik ko ram forum sinji,.
Api ya gawoh sai tikahaga,.
Nyak mawat aga bujanji,.
Kintu keti mak percaya,.
Wayakni antak sinji,.
Jemoh sawai laju riya,.
Kebunyi tabuhni kekuh,.
Nyak lapah adu sampai,.
Tabik pun nyak ku nangguh,.
Salam munyaian nyak debah pai,.
Pada 24 Maret 2010
Pernah dimuat di Grup:
Pernah dimuat di Grup:
Tidak ada komentar:
Posting Komentar