PUISI. 5

“Makku Tabir Hatiku”

Puisi; Tamong Jambat

Lamban siwa bulan sakani

Kahutmu radu kurasakon detik seno juga Mak..

Jimpangmu buya semesta hiwang

Dilom pusauan serelomni lawok

Beliyau makdok pengilu

Beliyau ikhlas api sai wat

Ngebeli  tulus dipampamni

Gunung inton jua mak dapok gegoh jama ya..

Sopan mawat ram nagu ya..

Halus lemoh jari sinji  ya kebakni

Rasakon warna tigut sai radu

Dang dikatanko perasaan sedih jama ya..

Mahapkon nyak Mak, kintu nyak wat mak sekenaan jama Niku..

Nyak  anakmu say mekung genok ngebahagiakon Niku..

Risok masih ratong ngilu tulungmu rek nyani hatimu bimbang Mak jama kabarku

Tugok kapan kidah  kesempatan sinji lagi wat  haga ngeliak niku Mak..?

26.03.12

Wayak. 9

“Mawat  Nyak Lupa”

Wayak; Tamong Jambat

Pekon Bandar kelapa dua..
Penyancang Banjarnegeri..
Ingok nyak cerita lagi dinana..
Niku pernah singgah dihati..

Ibarat culuk ditusuk peniti..
Gegoh mandi mak makai sabun..
Niku pernah singgah dihati..
Tano adu telipang jama ulun..

Kusiram kumbang dibi pagi..
Kutuntong helau dilom kebun..
Niku kupenah sampai nanti..
Kik temon niku aga seuyun..

Muwala apui dilom perun..
Nyimbin agas mak kuwawa..
Kik temon niku haga seuyun..
Mara kipak adu nganak siwa..

Umbak lunik gelarni alun..
Mecoh di pingger humara..
Demon sa sangon lagi pagun..
Kupenah kapan kak niku janda..

(Wahahaaaa,....... lalawa aga ngeridas tagak menah ni ana......!)

26 November 2010

Wayak. 8

RASAN MAK JADI KAJONG

Wayak; Tamong Jambat

Tengah bingi nyak mejong..
Pedom mak dapok hinok..
Aga mengan bela jinjong..
Kanik mak wat kupenok..

Nenggarah panggar ku tuntong..
Makung juga mata kedugok..
Wat kala pikeran lijung ratong..
Saka mak kuliak risok kusepok..

Manuk di sepok musong..
Wat telan tinggal kepelok..
Rasan mak jadi kajong..
Cerita tumbai mawat tetok..

Alasan Cicak Jatuh...

7 Alasan Lucu Cicak Jatuh Dari Dinding

Dari judul postnya aja sudah tau kan sobat,membahas soal Alasan Cicak Terjatuh Sampe Jatuh Hati. Pokoknya nggak jauh dari cicak bin kadal dah,entah itu cicak di dinding, sejarah cicak, alasan cicak terjatuh, sampai cicak jatuh hati. (hahaaa...ngalur ngidul dah jadinya post kali ini). Cicak sering kita lihat di dinding dan langit-langit rumah.Cicak sangat jarang berada di lantai (apalagi sampe berenang di kolam renang,itu paling jarang sob.) Cicak bergerak dengan cara merayap.Saat merayap di dinding, cicak tidak terjatuh. Mengapa demikian,tahukah anda? Karena cicak memiliki perekat pada setiap ujung jari kakinya. Dengan perekat inilah kaki cicak dapat menempel di dinding (mirip-mirip spiderman gitu...). Tapi nggak jarang juga lo cicak yang terjatuh. Bukan berarti jatuhnya nggak punya alasan. Berikut 7 Alasan Lucu Cicak Jatuh Dari Dinding, yaitu :

1. Terpeleset nginjak ludah sendiri.

2. Keseleo gara-gara abis main bola.

3. Pegal lengan tangannya.

4. Makan pake kedua tangan lupa pegangan.

5. Takut ketinggian mungkin trouma kali ya.

6. Frustasi karena ketauan pacarnya selingkuh.

7. Menutup hidungnya karena yang lagi baca bau.

 Jangan Lupa Di LIKE Ya...!!!

Sumber; http://gerdutaskin-jatim.web.id/7-alasan-lucu-cicak-jatuh-dari-dinding/

Wayak. 7

" TEHANEHOH "
==============

Wayak; Tamong Jambat

Kemunduk lain taduk..
Paperda lamon gitoh..
Tabik haga buhaguk..
Uleh ram perda jawoh..

 

Lapah bugeluk-geluk..
Nahan di tenai metoh..
Nyak tugok langsung kuruk..
Halaliyau nyak lalegoh..

Radu saka niku kutinuk..
Ibarat banjer jak doh..
Niku radu kena akuk..
Sesol mak dapok muloh..

PUISI 4

Sai Bantal Sai Hanipi..!

Puisi; Tamong Jambat

Kekunang lapah manjau.. ngehilingko bingi lapah,

Bingi kisut laliyoman…..

Angkah rariboh sasiyah dilom degup suara

Tiram…

Tarian angin nyebu gegorni badan

Tehantuk dilom  tiramni sukma

Piyu nyagu… sapa sipeduli niku?

Bantal kasor adu tikecat…

Pecoh hiyonni bingi, tekanjat keti ipos.?

Lampu ridip mulai pepos..

Tanyut kita kahut,…. sai lanting sai hilian..

Kutawit culukmu tehambung dilom rasa

Pepos barong mata, kuruk di awawang bingi..

Mejong barong dikumbut payung sai agung

Dilom kelasa tayuhan,.. muli nari nyambai

Hanjak hati, mewuwah pudak, ngimut-ngimut

Agas metoh butong kambor dihantara cuping

Hengas legoh nutuk irama bunyini canang….

Tanyut kita kahut….. di atas sai bantal..

Tayap kita kahut… diatas sai hanipi

Sai bantal.. sai hanipi kita ruwa ngehalu pagi..

Tangerang, malam 16 Maret 2012