Wayak. 13

MANJAU PUARI
Wayak ; Tamong Jambat

Api kabar matarani..
Segok dilinguk awan..
Api kabar minak muari..
Ngilu munyai murawan..

Teliyu angin pagi..
Nyebu panasni badan..
Betik rek cadang di hati..
Mak liyu ram sekabaran..

Pagun kudo Way mehili..
Mandi mepoh di pengkalan..
Sekam dija keti dudi..
Nedos perda seketiraman..

Tepadok muneh rani dibi..
Warna runeh helau nihan..
Ku binta keti kanjak nambi..
Ampai kesipak seanjauan..

Kuliak lenggokni awan nari..
Munggak lapah setuluian..
Uleh angkon ku jama puari..
Payu kidah ram setimbalan..

Radu tebenom matarani..
Pulimban bingi nyiar bulan..
Lom wayak sinji kutagu keti..
Silaturahim kekalau mingan..

Mengison kak tengah bingi..
Pedom nganyak papah sulan..
Hati sinji kurasa mangi..
Induh kapan dapok seliak’an..

Liyu bingi ratong pagi..
Metiak imbun sehayuan..
Rencaka nyepok rejeki..
Seno radu putarni badan..

Sampai muneh tegi rani..
Barong halinu nenggalan..
Miyos hati manjau puari..
Mak sekana ram semahapan..

Api kabar matarani..
Awan ngehindom di lamban..
Wayak ku taru pai antak sinji..
Nyak nagguh daleh keliyoman..

Tangerang, 02.06.12