Puisi. 8

C I N T A

Ya Aziz..........

Kik Cinta radu tertawan

Tawan eh Nyak jama Cinta Jama-Niku

Nyin makdok lagi say dapok Nawan selain jak-Niku

Ya Rohim..........

Kik Cinta udi Pengorbanan

Tuwohkon Niat jak sunyinni Pengorbananku

Semata-mata Tulus jama-Niku

Nyin Nyak Ikhlas nerima Apipun Keputusan-Mu

Ya Robbii..........

Kik tiram udi Rasa mesakik

Say mak nungga hamarani

Latapkon rasa sakikku

Uleh tiram jama-Niku

Rek Jadikon Kematianku

Gegoh Hamara setunggaan jama-Niku

Ya Robbii..........

Kik Sayang udi Sesuatu say Mempesona

Ikok Nyak jama Pesona-Mu

Nyin Damai pagun Kurasakon

Kapan ku ucakkon Syukurku ngena Nikmat jak-Niku

Ya Allah..........

Kik demon udi Kebahagiaan

Say makdok haris

Tuwohkon Kebahagiaan Delom Hurekku

Kapan Kupersembahkon Sesuatu jama-Niku

Ya Allah..........

Hatiku angkah genok jama sai Cinta

Kik Nyak mak dapok ngisinni jama Cinta jama-Niku

Mid dipa kidah pudakku haga kusegokkon jak-Niku

Ya Ar-Rahman.........

Dunia say dibentangkon meberak temon

Gegoh rimba say mak dapok ku redik

Di bingi say kelom gegot

Nyin mak tayap delom ngelapahkonni

Ya Ar-Rahhim…….

Keni Alas cukutni Hamba nyin ranglaya sai kulapahi kurasa bangik

Kipak nayah batu Runcing & ruwi say tajom

Hamba Sadar Sunyinni sinji Bak Demu sunyin

Induh kapan Kik Niku ngehagakonni Sunyinni aga muloh jama-Niku

Hamba pasrahkon kehurekan hamba jama-Niku

Bingi Jum'at; 08.06.12

Tamong Jambat